الثلاثاء، 31 أغسطس، 2010

هو ربنا كرمه ورحمته لغاية فين

هو ربنا ممكن يسامحني علي اي حاجة انا عملتها ؟
أي حاجة أي حاجة ؟
خللي بالك ده سؤال خطير
هقولهولك تاني
بس ركز
هو ممكن ربنا يسامحني علي اي حاجة غلط او حرام انا عملتها



طيب ॥
الاول صلي عالنبي
انا هسألك سؤال الاول
هل انت اشركت بالله ؟
هل تظن من جواك ان في اله غير الله ام ان الله واحد لا اله غيره ؟



لا طبعا انا الحمد لله مؤمن وموحد بالله بس انا عملت حاجات غلط وحرام كتر ... وتماديت فيها كتير كتير كتير كتير كتير


طيب اسمع قول ربك بيوقللك
بسم الله الرحمن الرحيم
(إن الله لا يغفر أن يشرك به ويغفر ما دون ذلك لمن يشاء)


يعني معني الكلام ده ان اي ذنب غير الشرك والعياذ بالله ربنا ممكن يسامحني عليه ؟


ده مش ممكن ده اكيد
علي فكرة ربنا ارحم مما تتصور
لدرجة ان ربنا ارحم بيك من امك وأبوك
وعلي فكرة ده مش كلامي ده الكلام الرسول صلي الله عليه وسلم


الرسول صلي الله عليه وسلم شاف واحدة بتجري علي ابنها الرضيع اخذته ولصقته ببطنها وأرضعته بكل حنان وعطف
فرأي الصحابة هذا المشهد فقال الرسول صلي الله عليه وسلم لهم


اترون هذه طارحة ولدها في النار ؟
هل حد يتخيل ان الست دي ممكن ترمي ابنها في النار




فقال الصحابة بكل ثقة لا والله
فقال الرسول صلي الله عليه وسلم
لله أرحم بعباده من هذه بولدها






هسألك سؤال اخير وبعدها هكتفي معاك انهاردة



اتفضل اسأل


يا تري ايه رأيك ايه اكتر حاجة تغضب ربنا من عبده ؟

اكيد اللي ما بيصليش طبعا

لا اجابة خاطئة

؟؟؟؟؟؟؟؟ اكيد اللي بيعق والديه

برضه اجابة خاطئة । كل دي حاجات تغضب ربنا بس انا سؤالي ايه اكتر حاجة تغضب ربنا من العبد

مش عارف قول انت

اكتر حاجة تغضب ربنا من عبده انه يعمل ذنب كبير ويفكر ان ربنا مش هيغفر له اهي دي اكتر حاجة تغضب ربنا

يقول الله عز وجل في الحديث القدسي ما غضبت على أحد كغضبي على عبد أتى معصية فتعاظمت عليه فى جنب عفوي

ربنا عظيم جدا ॥ كريم جدا جدا ॥ جزاك الله خيرا

هناك 7 تعليقات:

  1. جزاك الله خيراً عن هذا الموضوع الرائع.
    ألف مليون مبروك المدونة يا حسين
    ربنا يجعلها في ميزان حسناتك

    أخوك, عبدالله

    ردحذف
  2. الله يبارك فيك يا عبد الله ربنا يبارك في اخوتنا ويجعلها خالصة له سبحانه
    جزاك الله خيرا

    ردحذف
  3. جزاك الله كل خير
    بجد بارك الله فيك
    مدونتك جميله جدا جدا
    اجمل كلام كلام ربنا سبحانه وتعالي

    تقبل مروري

    ردحذف
  4. ساسو
    مرورك شرفني وشرف مدونتي المتواضعة

    ردحذف
  5. جزاك الله خيرا
    مدونتك جميله

    ردحذف
  6. جميل

    "قل ياعبادي الذين أسرفوا على أنفسهم لاتقنطوا من رحمة الله إن الله يغفر الذنوب جميعاً إنه هو الغفور الرحيم"

    ردحذف
  7. تعرف حضرتك.. انا كنت عارفة الالي انت كاتبه .. لكن كمنت محتاجة اتذكره و اقرؤه مرة اخرى
    لذد ذكرتني

    اشكرك
    تحياتي

    موديل

    ردحذف